a
Hava:
7 C
clear sky
Baku
humidity: 87%
wind: 1 m/s WSW
H7 • L7
HomeƏn son xəbərlərMərkəzi Klinika şəhid anasına təcili tibbi yardım üçün 100 manat istəyib

Mərkəzi Klinika şəhid anasına təcili tibbi yardım üçün 100 manat istəyib

Sosial şəbəkələrdə Yasamal rayonundan şəhid Elvin İslamovun anası üçün Mərkəzi Klinikadan çağrılmış təcili tibbi yardım avtomobilinə görə klinikanın 100 manat ödəniş tələb etməsi ilə bağlı məlumat yayılıb.
Məlumatı şəhidin dostlarından Şahin Usubov yayıb:
“29.10.2020-ci il, dostumuz, məhlə uşağımız İslamov Elvin Elçin oğlu Yasamal rayonuna şəhid gəldi. Həmin gün axşam anasının halı pisləşdi və təcili tibbi yardım avtomobili çağırdıq. Avtomobillərin hamısının məşğul olması səbəbilə 2-3 saat gözlədikdən sonra Mərkəzi Klinikadan çağırdıq. Telefonu götürən operatora vəziyyəti başa saldıq. Nə bir baş sağlığı verdi, nə də “Allah rəhmət eləsin” dedi. İlk sözü o oldu ki, “bilirsiniz da, bizdə ödənişlidir, 100 azn, istəyirsiniz göndərək”. Göndərdilər, vaxtında gəldi, qapıda şəhidin şəklini də gördülər, yenə də baş sağlığı vermədilər. İlk sözləri “ödənişi kim edəcək?” oldu. Bizim imkanımız oldu, verdik. Bir otaqda 5 nəfər qalan şəhid ailəsi əgər verməyə pulu yoxdursa, ölməlidir?”.

Məsələ ilə bağlı Mərkəzi Klinikanın Baş direktorunun müavini Ceyhun Topçubaşov açıqlama verərək bildirib ki, həqiqətən də belə bir hal olub: “Bu çox böyük bir nöqsandır. Biz onu qəbul edirik, başa düşürük. Bundan sonra hamıya xəbər verdik ki, təcili yardım şəhid ailələrinə pulsuz təyin olunsun”.

Yeniavaz.com

etiketlər
Şərh yoxdur

şərhini yaz